احا انهم يسبون الاسلام

لما تروح تقتل سفير امريكا او تكسر السفارة الامريكية عشان مواطن امريكي ثبت انه يحمل الجنسية الاسرائيلية اخرج فيلم مسيء للنبي .. او لما تروح تتخانق مع جارك المسيحي اللي رافض للفيلم زيك بالظبط عشان واحد مسيحي شارك ف انتاج الفيلم يبقى انت اكيد بتعمل زي الصورة معلش الصورة صادمة شوية بس لازم تعرف ان الرسول لما واحد حاول يقتله و الصحابة قالوا نقتله يا رسول الله الرسول رفض قتل الراجل الكافر اللي حاول يقتله تخلق باخلاق الرسول ثور اغضب ازعل خد رد فعل لكن بلاش يكون رد فعل اهبل يضر قضيتك اكتر ما يفيدها .

كاريكاتير أنديل 

صداقة مشروطة

كنا جميعا اصدقاء ما نقضيه معا من ساعات يومنا كان اكثر بكثير مما نقضيه في بيوتنا نجلس سويا نلعب سويا نمشي سويا ( نصيع ) سويا لا يكاد يفرقنا شيء إلا النوم  كنا نرسم معا لوحة لرجل واحد زكي وغبي غني وفقير سعيد وتعيس روح واحدة توزعت على عدة اجساد حتى جاء اليوم الذي أخذ فيه سيارة أبيه - كنا معا قبلها بدقائق - ليحضر له شيئا من بلدة مجاورة " لن أتأخر سأعود سريعا انتظروني " كنا في انتظاره حين سمعنا خبرا ان شابا قد اصطدمت سيارته بسيارة نقل كبيره عندها اقترح احدنا ان نتصل به لنطمئن عليه ربما -لا قدر الله - يكون هو ذلك الشاب .

 

اتصلنا به واجابت اخته " انه في المستشفى لقد صدمته سيارة نقل كبيرة " وقع الخبر على سمعنا كالصاعقة ذهبنا جميعا إلى المستشفى و حين استفسرنا عن حالته علمنا انه قد ارتطمت رأسه بمقود السيارة من تأثير صدمة السيارة  له " هو الآن في غيبوبة إدعوا له " - هكذا قالت والدته والدموع تتحجر في عينيها - ظل في غيبوبته خمسة أشهر كنا خلالها نتناوب على الذهاب للمستشفى لزيارته كنا نساعد والده في قضاء حاجاته فهو ولده الوحيد بعد وفاة ولده الأكبر في حادث سيارة ايضا العام الماضي  كنا نرى الخوف في عيون الرجل كنا نسمع قلبه حين ينظر إلينا يناجي ربه " لماذا يا رب لماذا ابني انا بالذات ؟ " .

و في يوم اتصل بي احدهم واخبرني انه قد أفاق من غيبوبته ذهبنا جميعا على وجوهنا ملامح سعادة لم تدم حين رأيناه فهو لا يمشي جيدا ولا يتكلم جيدا بل إنه احيانا لا يتذكرنا خرج من المستشفى و ظللنا معه حتى غلبه النعاس تركناه واجتمعنا في بيت احدنا لا نتحدث و لكن فقط نتبادل النظرات نظرات حزينة على حال صديقنا كنا نتابع معه جلسات العلاج الطبيعي نهتم به .

بدأ اهتمامنا يفتر شيئا فشيئا حين ادركنا ان صديقنا لن يعود ابدا لحالته الطبيعية نعم تحسنت حالته كثيرا فهو الآن يمشي جيدا ويتحدث بطريقة جيدة لكن حالته العقلية لم تكن جيدا فقد اثرت الحادثة على رأسه بشكل كبير اصبحت تصرفاته غريبة بعض الشيء اصبحنا لا نحتملها  أصبحنا نتجاهله ونتهرب منه تماما كما يبتر الرجل ذراعه المصاب حتى لا يأثر على باقي جسده . 

ثم عدنا لحالنا القديم ولكن بدونه نجلس سويا نلعب سويا نمشي سويا ( نصيع ) سويا .. عدنا وبيننا اتفاق ضمني نصه اذا اصيب منا عضو فبتره أولى .

هذه القصة مأخوذة من أحداث حقيقة .

الاعلان

قالوا إعلان قلت كمان؟! قالوا إعلان هنمكل بيه
هيوريكوا هتعملوا ايه بطل خوف قلقان كده ليه
قلت زماااان ..  فاكر انت قلتلي ايه؟

ست شهور وهنمشي بسرعة .. ست شهور؟
طولوا كده ليه ؟ ست شهور وادي سته في ستة
 بسنة ونص امشي يا بيه 

ما انا قاعد يا حبيبي شوية حبة كمان وانا يعني 
هعضك ولا فاكرني هعمل ايه ده إعلان ده صغير 
جدا زي لبوسة في الكابينية 

مش هيوجع ويأثر فيك  خد دي بس انا قلبي عليك 
مش واخد اديتني كتير كل ما اطالب بالتغيير
 ترزعني خازوقين يا كبير "مطلبكم سنفكر فيه" 

المرة دي معانا رئيس اخواني آه .. مدني وبيس
لماهقولك اخلع يلا لازم تمشي معانا رئيس ولا 
فاكرنا جوافة ف كيس بمزاجك او غصبٍ عنك
ارحل .. ده حسابك انا عيني عليه 

روح الأفرول الميري

لو فيه حد ما يعرفش ايه هو الأفرل .. الأفرول هو السترة اللي بيلبسها أي حد بينتمي للجيش اي كانت رتبته . الناس اللي عندها ارتيكاريا من أي حد بيتكلم كويس عن الجيش انا هتكلم عن الجيش من منظوري انا و ما ليش دعوة بأي حد يعني لامجلس عسكري ولا غيره هتكلم عن حاجات غيرها فيا الأفرول وعن الجانب الإنساني للجنود مش العساكر .. ايون احنا جنود مش عساكر .
* مركز التدريب :
مركز التدريب هو المكان اللي بتروح عليه اول تبقى رسميا جندي في الجيش المكان اللي بتتحول فيه من شخص مدني لشخص عسكري يعني تنسى الدلع و "العلوقية" و الترفيه و بتتحول وحده وحده لشخص بيقدر يتكيف على الحياة في أي ظروف شخض سريع التأفلم بتاكل اي أكل و بتشرب أي ميه و بتنام في اي مكان و بتتعلم كمان ان تتبع الأوامر حتى لو كانت غلط ما دامت لا تمس تلات حاجات (فلوسك ـ مهماتك ـ شرفك ) المهمات هيا الحاجات اللي بتاخدها من الجيش "اللبس" يعني . قبل ما ادخل الجيش كان نفسي ادخل سلاح المظلات كنت عايز اجرب حاجة انا متأكد انها هتغير حياتي للأبد لكن ده للأسف ما حصلش . في مركز التدريب بتتعرف تقريباً على اكتر ناس  بتأثر في حياتك بعد كده لمدة مش قصيرة و بتبدأ تتعرف على " روح الأفرول الميري " حاجة كده زي روح الفانلة الحمرا أي حد لابس الأفرول ده بتحس انه اخوك حتى لو دي اول مرة تشوفه و ده لسبب واحد انك حاسس بيه و بكل اللي هو بيشوفه لو انت خجول هتنسى خجلك لو مش اجتماعي هتبقى اجتماعي جو ذكوري فعلا بتصحى الصبح تلاقي بتاع ستين دكر واقفين "بالاندر ورر" وبيتناوبوا على دخول اربع حمامات - ده إذا كان فيه ميه ـ بتقابل ناس من كل المحافظات طرق تفكير مختلفة اسلوب حياة مختلف بتتعلم ازاي تعامل كل واحد بطريقته بتسمع تصنيفات لكل الناس ده عيل سيس وده فافي وده قفل و ده صايع و ده محترم لكن عمرك ما هتسمع تصنيفك بودنك وده لأن غيرك بيسمعه بتبدأ تعمل دواير كل دايره اوسع من اللي قبلها دول اصحاب ودول معارف و دول زمايل ودل ناس مش مهم اسمائهم .

حاجة كمان مهمة بتتعلمها في مركز التدريب انك  مهما حصل بينك وبين زميلك ما تدخلش معاه في خناقة لأنه هو اللي "هيشيلك لما تقع في المعركة" وهو اللي "هيحمي دهرك" انت وهو عضوين في جسم واحد .

في مركز التدريب مسكت سلاح لأول مرة في حياتي و ساعتها بس عرفت انه عدى وقت الهزار انا بقيت جندي خلاص .. احساس بالقوةغريب جدا و انت ماسك البندقية وزي ما عمنا شفيق فال انا قتلت واتقلت بتعرف انك لو فيه حرب يا قاتل يا مقتول .. في الجيش فيه شعارات كده عشان تحفز الناس منها "سلاحي جزء مني لا اتركه قط حتى اذوق الموت "

لما رجعت في اول اجازة من مركز التدريب نظرتي لحاجات كتير اتغيرت يعني مثلا لما كنت قاعد مع اصحابي وبنتكلم بس مش  كالعادة انا شايف نفسي قاعد مع شوية عيال فافي عيال كل حياتها المزز و الفيس بوك حتى اللي متجوزين منهم تقريبا ده تأثير الصدمة الحضارية و نتيجة التغيير المفاجئ . 

دنيا الكآبة

لا تطمئن إلى أحد فقد ملئ الحقد القلوب 

لا تطمئن إلى أحد فقد ملئ الخبث القلوب 

اصبحت حياتي منذ قومي إلى هذا المكان 

بنيان حزن و ملل و جماعات من الكروب 

فلا تسألني و لا كيف امضي في الطريق

أنت تعلم أني مطية فكيف اسعى إلى الركوب 

قصر احلامي و اوهامي و آهاتي لم يزل يسعى

و لن يزل حتى يضيع مع الغروب 

أما وقد اجبتك عالمي فقد اضحت كلماتي  

كبيت شعر سباح او على الماء مكتوب 

و ما حال شعري المنثور إلا كحال 

سيدة إذ بكت على لبن مسكوب

عالم بهايم

الإنسانية سكوت وصمت والحيوانات اتكلمت 

قال الحمار انا كلي صبر وجلد و بيظلموني بقولهم عيل حمار

قال الحصان انا كلي قوة و فخر و بيظلموني بقولهم زي الحصان 

والبغبغان قال فاكرني بقلدهم مع إني بتريق عليهم 

رد تعبان فاكريني ظالم زيهم بيقولوا ع الشرير ده حية أو تعبان

قال الأسد وشجاعهم قدامي جبان و بيوصفوه بيا 

عالم بهايم وبهايم هي اللي عالم ولا حد عالِم غيره ربنا

عارف و مطلع شايف ظلمهم لينا 

حتى البهايم اشتكت منك ماتفوق يا سيدنا قبل ما القبر يلمك 

معاش الشهيد

معاش الشهيد 

عندما خرجت من منزلها كان الوقت قد تأخر كانت تردد محدثة نفسها "الله يخرب بيت الثورة و الزفت ما احنا كنا عايشين في أمان"  لم تكن تشعر بالأمان كانت تنظر يمينا ويسارا تترقب أن يخرج عليها احد البلطجية في أي لحظة فجأة تجمدت ملامح وجهها و توقف عقلها عن التفكير عندما رأت اشباحا تقف في الظلام عند ناصية الشارع سرى الرعب من جسدها النحيف إلى البيوت حتى إنك تكاد تراها تهتز مع كل رجفة من رجفات يديها المتجمدتين لا تعرف إذا كان  سبب ذلك الإرتجاف الرعب أم برودة الجو.. - إنهم مجموعة من الشباب منهم من يمسك في يده عصا او قطعة حديد - " اعمل ايه يا رب استر"  رفعت رأسها إلى السماء و ناجت ربها بهذه الكلمات القليلة لم تفكر كثيرا فقررت الإنسحاب في هدوء لم تكد تلتفت حتى سمعت صوتا كان وقعه على آذانها كالرعد "انتي يا اللي هناك انتي مين ورايحة فين " حاولت الهرب لكنها لم تكن لتسبق تلك الدراجة النارية التي تلاحقها توقفت واسلمت امرها لله اقترب منها احدهم لا تكاد ترى ملامح وجهة في هذا الظلام تحدث اليها في ادب اذابت نبرة صوته جليد الرعب الذي كان على وجها " حضرتك رايحة فين ؟ " عندما اقترب منها تعرفت عليه إنه احمد طالب الثانوي صديق اخوها عمر سألته " ايه اللي موقفكم هنا وايه اللي في ايدك ده ؟ "  اجابها "دي لجنة شعبية " " يعني ايه؟ "  اجاب " احنا واقفين هنا علشان البلطجية اللي بيقولوا عليهم .. المهم انتي رايحة فين ؟ " ردت " عمر اخويا ما رجعش من ساعة ما خرج يصلي الجمعة  و انا وامي قلقانين عليه قوي  ومش عارفين نعمل ايه ؟ " قال لها  وقد بدت ملامح القلق على وجهه "خليكي واحنا هنروح ندور عليه " استمر البحث عدة ايام دون فائدة و كل دقيقة تمر يغيب الأمل شيئا فشيئا .. تتابعان الأحداث على شاشة التلفاز تسردان معا ذكريات حزينة تلعنان اليوم الذي  دخل فيه هذا الجهاز الملعون إلى البيت تلعنان الفيس بوك تلعنان الثورة التي اضاعت "رجل البيت" حتى دق جرس الباب يوما و دق معه قلب الأم " عمر ابني !! افتحي بسرعة " فتحت الباب وإذ باحمد -يقف مغموسا في حزن لا تكاد تظهر ملامح وجهه من وراءه  "احمد ! مالك فيه ايه ؟! " اجابها " لقينا عمر- من ملامح وجهه ادركت ان اخاها لم يكن بخير لقيناه في مشرحة زينهم " كانتا تعلمان جيدا انه هذا ما سيحدث ولكن  وقع المفاجأة كان اقوى من كل توقعاتهما سقطت الأم مغشيا عليها انخرط الجميع في البكاء و بعد أن افاقوا الأم ذهبوا جميعا إلى المشرحة اصرت الأم على أن ترى إبنها وجدته وقد استقرت رصاصة في  رأسه دفن عمر ودفن معه الأمل والفرحة والإبتسامة لم تعش الأم طويلا بعد فراق ابنها فقد اجبرتها الفتاة على الذهاب إلى حفل قيل عنه انه لتكريم اهالي الشهداء فإذا بضابط من عمر فقيدها يتطاول عليها و يسبها ولما حاولت ان ترد عن نفسها الإساءة  إذ به يضربها حينها علمت ان ابنها قد ضاع هدرا وظلت تبكي طوال الليل ولما طلع الفجر دخل ابنتها لتوقظها لكي تصلي لكنها وجدتها قد فارقت الحياة وكأن الله قد استجاب لدعائها فجمعها بحبيب قلبها كما كانت تدعوه بعد ايام قليلة من  رحيله ظلت الفتاة وحيدة حزينة لم يتبقى لها سوى معاش الشهيد معاش رآه المسؤولين تعويضا مناسبا لمن ضحوا بحياتهم لأجل حرية وطن لم يتحرر .

احب الحياة

احب الحياة 

احب الحياه وكلي أمـــــــل فروح التـفاؤل خطب جلل

 احب الــحياة وكلي نشاط و لايعرف قلبي معنى الملل

فحب الحياة لروحي الأساس وروحي تحب و لاتحتمل

 يوما من الضيق فذاك الذي يصيب القلوب بداء الكلل

احب الحـــــياة وذلك شيء يضيء كلامي ينير الجمل

 أيا من لا تحب الـــحيـــــــاة اصبت بجهلك كل العلل

 محـــب الحياة فذاك الرجل وهذا الشجاع وهذا البطل

فيا نـــاسهيا احبـــوا الحياة فــــذلك خير من المقتتل

انا ثوري

انـــــــا ثــــــــوري

انـــا ثـــوري وثــــــائر وهثور ده اللي ما يثور طرطور

هـــمــــه على نفسه وعلى كـــرشه قلناله هيصيبه الدور

رد و قـــــال خوفي حاميني يغنيني ويبنيلي قــــصــــور 

ف الـــضلمة انا عايش متهني انا بكره و بخاف م النور 

من دم النـــــاس آكـــــل اكبـــر و بحزنكم انا ياه مسرور 

على رقابــــيكم واقف دايس للـــحــرية حفرت قــــبــــور 

في وطـــنكم بخــرب وبدمر م الجـــــهل بنيت اكبر سور 

خد سورك وقبورك و امشي ثوري خلاص بقى جمهور

ثوري ده فاهم واعى وراجع ثوري ده جامد مش فرفور 

ثـــوري ده داق الـــظلم الــمر و ف زنزانة كان محسور 

قالوا عيل مش فاهم حاجة لكن كان على بلده غـــــيور 

ايوة اهو فاق ويا ويلك منه ايوة ده اصلا ثوري جسور 

ثوري شجاع ثوري مناضل هيـــخليك تفـــضل مكسور

ثوري ده راجل وجدع جدا ثوري ده سال من دمه بحور 

ثوري ده مات وده ضحى بعمره علشان يدفع اي شرور 

ثــــوري ده ضحى علشان بلده ينقذها من بـــير مــحـفور

قالوا عنه خــسيس و مـــخادع اوصـــافه عربده و فجور

قالوا عنه عميل وخاين قالوا كمـان فوضــــوي مـــغرور 

ايوة يا مصر انا ثائر جدا ايوة يا مصر انا لــــسه هــثور

اي فســـاد مش هيســــبه ف حاله اي فــــساد لازم هيغور

ثوري و هبني ثوري هـــعمر علشانك وهـــــمد جـــسور

انا ثــــــوري وثــــائر وهــــثور انا ثوري وثائر وهثور 

قصور الخيال

قصور الخيال

الخيال هو نعمة انعم الله بها علينا لنتمكن من ان نعيش حياة افضل من الواقع الذي نعيش فيه حتى وان كان الخيال لا يغني عن الواقع إلا انه على الاقل يمكنا من ان نحسنه او ان نراه بطريقة افضل اعتقد -يمكن ان تتفق او تختلف معي - اننا نكبر فقط عندما نتوقف عن استخدام خيالنا فعندما كنا صغار كنا نتمكن ممن ان نعيش اي احساس نريده او نقابل اي شخصية نحبها فقط بمجرد ان نفكر في ذلك كنا نشرب من اكواب فارغة اي مشروب يخطر على بالنا كنا نتحدث الى انفسنا لنكلم اي شخصية نحبها كنا لا نرى في ذلك عيبا حتى وان انتقدنا الكبار ووصفونا بالهبل او العبط او حتى الكذب نتخيل ونتخيل ونتخيل بلا توقف بلا خجل كلما فقدنا جزئا من خيالنا كبرنا عاما حتى اصبحنا ما نحن عليه الآن انسان غير قادر على الابداع .. نعم الخيال هو اول طرق الابداع جربناها جمعيا عندما كنا صغار عندما اختلقنا القصص وتلقينا رد  الفعل المعهود "بطل كذب بقى انت مش عارف ان الكذاب بيروح النار" رد يخفي وراءه غيرة لامحدودة سببها عدم قدرتهم على الخيال نعم قتلتم داخلنا الابداع اصبحنا نسخة مصغرة منكم كل ما اريده ممن يقرأ كلامي ان يستخدم خياله ويغمض عينيه ليفكر في غابة واسعة مليئة بالاشجار والحيوانات وهو يعيش في هذه الغابة يحكمها و يفعل فيها ما يريد ليرى كيف سيعود ذلك على نفسه بالراحة و الطمأنينة ان لا ادعوكم الى اختلاق شخصيات  وقصص لتعيشوا فيها كما لو كنتم صغار -و إن كنت لا ارى في ذلك عيبا - فقط اريدكم ان تحلموا بحياة افضل فكروا في الغد بصورة تريح انفسكم من عناء الحياة المادية التي طغت على حياتكم الوجدانية وقتلت فيكم الابداع احلموا بحياة افضل .تفاءلوا انشروا السعادة اينما تحركتم اشعروا بانسانيتكم التي ضاعت في زحام الحياة .

                            

"الخيال هو اعظم قصر يمكن للانسان ان يسكنه ولكننا قررنا ان نجعله قصرا مهجورا لمجرد انهم اخبرونا ذلك"

تقصي حقايق

تقصي حقايق

احـــرق اقتــل كــسر دمـــر و ارجع قولــــي تقــصي حقايق

و ارجع لفلي لابس بــــدلة والله صحيح من يـــومك عايـــق

انـــت فاكرني يا عم مغفل لا يا حيلـــتها انا صـــاحي وفايق

فاكـــر يعـــني نسينا قوام انت وهــــــو واحد مـــش فـــارق

خرب بـــلـــدك واقـــتل ثورة بالـــك هادي ودمـــــك رايــق

مجلـــس اعلى يــاعم ده ولا يـــمكن مجـلــس عـــبد الرازق

واحــــد طنط والـــتاني عنعـــن اما صحيح دول طقم بطايق

ثورتنــــا ثورة محـــمية ايوة كمان راضي عنها الــخالــــق

مهـــما تخــرب مهما تدمر حلـــمي خلاص انا شايفه حقايق

يــمكن امــوت وانا قلبي سعيد وانت تموت قلبك متـــضايق

حيلة الماتش فاهمها انا جــدا قلت خلاص انا صاحي وفايق

تقـــتل واحد تقــتل ميــة عامللي عبييط و في هــبلك ســايق

جيلـــنا ده جيل الثورة بجد لإستــعباده خلاص مــش طايق

جيلـــنا شجاع وبيفهم جدا ف اي مــظاهرة جــاي و راشق

قولـــي عمــيل او صـــهيوني ماسوني شــاذ او حتى منافق

شعبك فهمك يعني خلاص ..اما صحيح دول شعب مناوئ

جاي تقولي انا حامي الثورة جاي تقولــي انا عندي مبادئ

يعني عامللي شريف وعفيف لا ده انا عرفك لص وسارق

شغلـــك ده ما يكــلش معانا كله كــلام اصـــلا مــش لايق

قـبــــل ما تيجي كنا عصابه كان الخير لقدومك ســــابـــق

ايوة عصابة حق تحارب مع مخلوع .. زعلان طب سابق

موت اهـــلـــك موت ناسك وافضل انت ف كرسيك لازق

ربــــك يمهل وما يـــهملش شــــفت ازاي ده قانون الخالـق

ارحل امشــي اذهب اسقط يالا يا عم جو "GO" ما تفارق

الشحات

حاجات مش ممكن تشفها غير في مصر

تدخل مستشفى حكومي مليان مرضى

وفجأة يدخل متسول حاجة غريبة...

المنسول يطلع اعمى..الناس على الرغم 

من فقرهم ومرضهم بيساعدواالمتسول ..

حاجة اغرب ..المتسول وهو ماشي على

الرغم من الزحمة وكونه ضرير بيعدي 

بين الناس دون ان يلمس احدهم حتى

وعارف مكان السلم والباب..حاجة 

اشد غرابة وانت طالع من المستشفى 

تشوف المتسول قاعد بيشيش ع القهوة

وكده مش ممكن نقول غير احا يا مصر 

احــــــــــــــــــــا يــــا مـــصـــــريــــيـــن

6 اكتوبر والصراصير

6 اكتوبر والصراصير

لم يكن الاحتفال بيوم 6 اكتوبر هذا العام (2011) مثل كل عام فقد كان مليئا بمشاعر الفخر و الاعتزاز هذا لانه اول عام  يمر علي  و انا فرد في القوت المسلحة و على الرغم من اننا لم نفعل شيئا استثنائيا الا انه تملكني شعور غريب بالفرح والوطنية وهما شعوران قلما يجتمعان فإما ن تكون وطني او ان تشعر بالفرح.
 كنا (انا واصدقائي ) نتابع فيلما من كلاسيكيات حرب اكتوبر و هو فيلم "الرصاصة لا تزال في جيبي" هذا الفيلم الذي تدور احداثه عن الحرب و مشاهده المقاربة للواقع هذا الفيلم الذي كنت اذا رأيته قديما سأغير القناة في الحال إلا هذه المرة فأنا اجلس وسط جنود القوات المسلحة وأنا فرد منهم كلنا نرتدي نفس الزي لا يكاد يفرق بيننا شئ نتابع جميعا الفيلم بروح غريبة تشبه تقريبا تلك التي كانت بين جنود القوات المسلحة في نفس اليوم ولكن عام 73 وكلنا على أتم استعداد أن نهب حياتنا لمصر.
 في ظل هذه الروح المعنوية العالية و كعادة هذا البلد الذي كلما شعر أننا نحبه فعل شيئا يجعلنا نلعنه ونلعن اليوم الذي ولدنا فيه على أرضه .. إذ بجندي يدخل قائلا :"العقيد X (هكذا كنا نسميه ) بيقول اجمعلي كل الجنود " .. ماذا هناك ؟ .. هل يريد ان يتحدث إلينا بتلك المناسبة العظيمة ؟! .. سنعلم قريبا.. ذهبنا إليه فإذا به قد احضر عمال شركة لإبادة الصراصير وإذا به يطلب منا ان نقتل اي صرصار يتعدى حدوده و ان المقصرين ستتم معاقبتهم و الله الموفق والمستعان .