 |
| ماذا لو |
انا عارف إن الكلام ده هيزعل ناس كتير و اللي هيقول اني اخوان و اللي هيقول اني خرفان و اللي هيقول هاتوله راجل لكن اللي يعرفني كويس يعرف اني مش بيهمني رأي الناس فيا .. شغل دماغك معايا شويه و اسرح بخيالك "انسى الواقع ابن الجزمة ده" .
ماذا لو ترشح الدكتور محمد البرادعي للرئاسة .. ثم ماذا لو فاز الدكتور البرادعي واصبح رئيس الجمهورية .. ثم ماذا لو فشل الدكتور البرادعي في إدارة شئون البلاد تماما كما فشل الدكتور مرسي - الناس كلها بقت دكاترة و لا ايه مش مهم - ماذا لو اعترض الاسلاميون على حكم الدكتور البرادعي و نزلوا جميعا - اخوان على سلفيين على جماعة اسلامية على حازمون - نزلوا لابسين ابيض و ملثمين و ماسكين رايات سوداء و سموا نفسهم ( الوايت بلوك ) و مشيوا في الشوارع و عملوا نفس اللي بيعمله البلاك بلوك دلوقتي
هل كان موقفك هيفضل زي ما هو كنت برضه هتقول دول ثوار و ده حقهم طالما ان الدكتور البرادعي مش بيسمع لحد و كمان فااااشل في إدارة البلد ولا كنت هتقول دول شوية ارهابيين ولاد وسخة ولازم الشرطة تطلع ميتين ابوهم فكر كده شويه و شوف موقفك كان هيبقى شكله ايه بالظبط .
الله .. الوطن .. دولي شاهين
