احب الحياة
احب الحياه وكلي أمـــــــل فروح التـفاؤل خطب جلل
احب الــحياة وكلي نشاط و لايعرف قلبي معنى الملل
فحب الحياة لروحي الأساس وروحي تحب و لاتحتمل
يوما من الضيق فذاك الذي يصيب القلوب بداء الكلل
احب الحـــــياة وذلك شيء يضيء كلامي ينير الجمل
أيا من لا تحب الـــحيـــــــاة اصبت بجهلك كل العلل
محـــب الحياة فذاك الرجل وهذا الشجاع وهذا البطل
فيا نـــاسهيا احبـــوا الحياة فــــذلك خير من المقتتل
انـــــــا ثــــــــوري
انـــا ثـــوري وثــــــائر وهثور ده اللي ما يثور طرطور
هـــمــــه على نفسه وعلى كـــرشه قلناله هيصيبه الدور
رد و قـــــال خوفي حاميني يغنيني ويبنيلي قــــصــــور
ف الـــضلمة انا عايش متهني انا بكره و بخاف م النور
من دم النـــــاس آكـــــل اكبـــر و بحزنكم انا ياه مسرور
على رقابــــيكم واقف دايس للـــحــرية حفرت قــــبــــور
في وطـــنكم بخــرب وبدمر م الجـــــهل بنيت اكبر سور
خد سورك وقبورك و امشي ثوري خلاص بقى جمهور
ثوري ده فاهم واعى وراجع ثوري ده جامد مش فرفور
ثـــوري ده داق الـــظلم الــمر و ف زنزانة كان محسور
قالوا عيل مش فاهم حاجة لكن كان على بلده غـــــيور
ايوة اهو فاق ويا ويلك منه ايوة ده اصلا ثوري جسور
ثوري شجاع ثوري مناضل هيـــخليك تفـــضل مكسور
ثوري ده راجل وجدع جدا ثوري ده سال من دمه بحور
ثوري ده مات وده ضحى بعمره علشان يدفع اي شرور
ثــــوري ده ضحى علشان بلده ينقذها من بـــير مــحـفور
قالوا عنه خــسيس و مـــخادع اوصـــافه عربده و فجور
قالوا عنه عميل وخاين قالوا كمـان فوضــــوي مـــغرور
ايوة يا مصر انا ثائر جدا ايوة يا مصر انا لــــسه هــثور
اي فســـاد مش هيســــبه ف حاله اي فــــساد لازم هيغور
ثوري و هبني ثوري هـــعمر علشانك وهـــــمد جـــسور
انا ثــــــوري وثــــائر وهــــثور انا ثوري وثائر وهثور
تقصي حقايق
احـــرق اقتــل كــسر دمـــر و ارجع قولــــي تقــصي حقايق
و ارجع لفلي لابس بــــدلة والله صحيح من يـــومك عايـــق
انـــت فاكرني يا عم مغفل لا يا حيلـــتها انا صـــاحي وفايق
فاكـــر يعـــني نسينا قوام انت وهــــــو واحد مـــش فـــارق
خرب بـــلـــدك واقـــتل ثورة بالـــك هادي ودمـــــك رايــق
مجلـــس اعلى يــاعم ده ولا يـــمكن مجـلــس عـــبد الرازق
واحــــد طنط والـــتاني عنعـــن اما صحيح دول طقم بطايق
ثورتنــــا ثورة محـــمية ايوة كمان راضي عنها الــخالــــق
مهـــما تخــرب مهما تدمر حلـــمي خلاص انا شايفه حقايق
يــمكن امــوت وانا قلبي سعيد وانت تموت قلبك متـــضايق
حيلة الماتش فاهمها انا جــدا قلت خلاص انا صاحي وفايق
تقـــتل واحد تقــتل ميــة عامللي عبييط و في هــبلك ســايق
جيلـــنا ده جيل الثورة بجد لإستــعباده خلاص مــش طايق
جيلـــنا شجاع وبيفهم جدا ف اي مــظاهرة جــاي و راشق
قولـــي عمــيل او صـــهيوني ماسوني شــاذ او حتى منافق
شعبك فهمك يعني خلاص ..اما صحيح دول شعب مناوئ
جاي تقولي انا حامي الثورة جاي تقولــي انا عندي مبادئ
يعني عامللي شريف وعفيف لا ده انا عرفك لص وسارق
شغلـــك ده ما يكــلش معانا كله كــلام اصـــلا مــش لايق
قـبــــل ما تيجي كنا عصابه كان الخير لقدومك ســــابـــق
ايوة عصابة حق تحارب مع مخلوع .. زعلان طب سابق
موت اهـــلـــك موت ناسك وافضل انت ف كرسيك لازق
ربــــك يمهل وما يـــهملش شــــفت ازاي ده قانون الخالـق
ارحل امشــي اذهب اسقط يالا يا عم جو "GO" ما تفارق
ضربني
ضربنـــي علـــى وشـــــــي قلـــم والـــــــــــــــتـــــــــــــاني طـــرقع
وانا واقــــــــــــــــــف ساكت قــــــــــــلبي م الحــســـــرة مولــــــــع
مــش راجل انا اصــلي عــــــسكري ف الـــجيـــش الـــــمصـــــــري
قالي يـــــا بهيمة يا حمار ايه الــــــلــي جابـــــــــــــــك هنـــــا عندي
وانــــا برده ســــــــــــــاكت صامت راســــــــــي خلاص هتـــــفرقـــع
اضربه مـــــــــــــــــــــــــا اضربوش ده رائـــــد وانا عســكري مرقع
رحــــت للعــــــــــــــــــــميد راجل كويس لــــكن صيته مش مـــــــسمع
الـــحقني .. الحقني يا فنـــــــدم انــــــا حقــــــــي لازم يـــــــــرجــــــــع
رد و قالي معلــــــهش يا بنــــــــــــي انا بكرة اجـــــيبك هـــــنا عـــندي
تعملي شــــــــــــــاي تعــــــــملي قهوة حلبــــة ويـــــــــــنسون كـــمان
احا ..احا ياخويــــــــــــا اقولك حقي تقولي شاي عقلك ده اكيد تــــعبان
فضلت ابــكي دمعــــــي يــــنزل ع الارض مــــــــــش طـــــايق خــــدي
مــــش عايز يلمـــــــــــس جمــسي اصــــــــله ف الــــــــعار غرقـــان
فينك.. فيــنك يا زمــــان فين ايـــــــــــام الحـــرية و الراحة و الطيران
عملنا ثورة و الثورة طلعت حولة جت تغير اتغيرت وبقت ثورة فرسان
فرسان عبايط و مغرورين مع ان كل واحــــد فيهم جده اصلا جــربان
لكن على مين الثورة لازم ترجــــــع زي الاول و احـــــــسن كمـــــــان
وده وعد مني هيجي يوم قلمك ده هاديهولك وفوقيه شـــــــلوت كمـــان
هذه التهييسة الشعرية مستوحاة من قصة جندي ف الجيش المصري صفعه ضابط على وجهه
ليست هناك تعليقات:
إرسال تعليق